Einingsleiar

Om dette høyres spennande ut håpar vi du søker denne stillinga!

Rekneskap- og løn er ei stabseining i Sunnfjord kommune med om lag 16 årsverk. Eininga har ansvaret for rekneskap for kommunen og 11 andre firma, samt løn og refusjonar for 3 kommunar og 7 andre firma. Rekneskap omfattar også innkrevjing og e-handel. Løn omfattar blant anna lønsgrunnlag, fråvær og refusjonar.

Har du relevant høgare utdanning og høg fagleg kompetanse innan rekneskap og lønsområdet samt leiarerfaring, så søk då vel! Det er ein fordel om du har erfaring i å arbeide opp mot kommuneleiing og ut i organisasjonen. Det er viktig for oss at du har god norsk munnleg og skriftleg framstillingsevne.

I Sunnfjord kommune er vi engasjert, inkluderande og nær. Derfor er det viktig at du er:

Ein engasjert leiar:

• Oppteken av fagleg utvikling og tverrfagleg samarbeid
• Lojal i høve politiske og administrative avgjersler
• Forvaltar fellesskapets ressursar på ein berekraftig måte
• Modig, prioriterer tydeleg, tar avgjerder og utnyttar handlingsrommet sitt

Ein inkluderande leiar:

• Oppteken av brukarane
• Ein god rollemodell med høg etisk standard
• Tydeleg på å kommunisere forventningar, og gir tilbakemelding og ros

Ein nær leiar:

• Ser den einskilde, motiverer, viser tillit og gjev ansvar
• Er tilgjengeleg og til stades

Vi tilbyr deg 100% fast stilling frå snarast, løn etter avtale og gode pensjons- og forsikringsordningar. I tillegg får du gode arbeidstilhøve på Sunnfjord rådhus.

Velkomen som søkar, vi ser fram til å høyre frå deg!