Saksbehandlar

Service-eininga yter tenester til innbyggarane og andre einingar i kommunen. Vi driv tenestetorg, sentralbord, dokumentsenter, politisk sekretariat, informasjonsarbeid, digitalisering av tenester og saksbehandling av ulike tenester. Vi er om lag 25 tilsette som samarbeider godt om å løyse oppgåvene våre. Då ein av våre tilsette vert pensjonist, treng vi ein ny medarbeidar på laget.

Vi søker etter saksbehandlar i 100 % fast stilling

Hovudarbeidsområdet i stillinga vil vere saksbehandling knytt til berekning av eigenbetaling (vederlagsberekning) og fakturering knytt til omsorgstenester. Du vil ha tett samarbeid med den andre tilsette på dette området, samt med leiarar i omsorgssektoren og tilsette på rekneskap. 

Service har mange arbeidsoppgåver å løyse, så også andre arbeidsoppgåver kan bli lagt til stillinga.

Kvalifikasjonar for stillinga:

• høgskuleutdanning innan økonomi, administrative fag eller andre relevante fagområde
• lang relevant erfaring på området kan kompensere for manglande utdanning
• erfaring med saksbehandling, likar å jobbe med tall og har god økonomiforståing
• god kompetanse i bruk av IT- verktøy
• evner å ha god dialog med kollegaer, brukarar og pårørande
• god skriftleg og munnleg kommunikasjon på norsk

Vi ser etter deg som:

• er nøyaktig og har lett for å sette deg inn i regelverk
• er serviceinnstilt, fleksibel og har gode samarbeidsevner
• har kjennskap til omsorgssektoren

Vi tilbyr:

Som medarbeidar i Service-eininga får du ein variert arbeidskvardag i eit inkluderande og godt arbeidsmiljø. Sunnfjord kommune har god pensjons- og forsikringsordningar.

Velkomen som søkar, vi ser fram til å høyre frå deg!