Konsulent fråvær og refusjon

Eining rekneskap og løn har for tida 16 tilsette med kontor på rådhuset i Førde sentrum. Eininga fører rekneskapen for Sunnfjord kommune og fleire interkommunale selskap. I dette ligg føring av rekneskapen, produksjon av løn og fråvære, samt fakturering og innkreving av kommunale varer og tenester. I tillegg produserer eininga løn for to andre kommunar.

Eininga bidreg også i arbeidet med utarbeiding av budsjett og økonomiplan, samt drift av Framsikt som økonomi- og rapporteringsverktøy. Eininga er organisert i stab hjå kommunedirektøren, og har ein støttefunksjon til einingane i kommunen, samt leiargruppa.

Ynskjer du ei nøkkelrolle i å sikre at tilsette får rett løn og sikre rett refusjonsinntekter til Sunnfjord kommune?

Grunna pensjonsavgang søker Sunnfjord kommune ein dyktig og engasjert konsulent på fråvær og refusjonsområdet. Vi ser etter deg som er interessert i løn, fråvær og refusjon og ynskjer å vere ein del av vårt gode arbeidsfellesskap.

Vi har ledig:

• 50 % fast stilling som konsulent for snarleg tilsetting

Arbeidsoppgåver

• fråværsoppfølging og refusjonshandtering, mellom anna handsame sjukepengar, fødselspengar, pleiepengar, følgje opp refusjonar og ha dialog med NAV
• periode- og årsavslutning med tilhøyrande avstemmingar og dokumentasjon
• rapportering til offentlege instansar
• utvikling av rutinar og utøving av internkontroll på fråvær og refusjonsområdet
• opplæring og rådgjeving av leiarar og tilsette på fråvær- og refusjonsområdet
• førefellande oppgåver innan fråvær- og refusjonsområde

Arbeidsoppgåvene vil kunne variere alt etter din kompetanse og eininga sitt behov.

Vi søker etter deg som har:

• fortrinnsvis treårig relevant høgare utdanning, men relevant erfaring kan kompensere for utdanningskravet
• relevant arbeidserfaring innan løn, fråvær eller refusjonsområdet
• god digital kompetanse og systemforståing
• gode kommunikasjonsevner på norsk skriftleg og munnleg

Personlege eigenskapar:

• du er strukturert, nøyaktig og engasjert
• du arbeider sjølvstendig, men trivast og med å arbeide ilag med andre
• du er lærevillig og opptatt av digitalisering og dei moglegheitene den gir for effektivisering

Kva kan du forvente av oss?

Gode moglegheiter for personleg og fagleg utvikling via arbeid og vidareutdanning. Vi tilbyr konkurransedyktige vilkår med gode pensjons- og forsikringsordningar. Hos oss får du eit godt arbeidsmiljø, ansvar og tillit.

Vi kan tilby:

• eit spennande og bredt fagmiljø innan områda rekneskap, løn, fråvær og refusjon.
• ein moderne arbeidsplass, for tida på rådhuset i Førde sentrum
• ein god og trygg arbeidsplass der forholda ligg til rette for både fagleg og personleg utvikling
• tilbod om kurs, slik at du kan vidareutvikle din kompetanse og eventuelt behalde din autorisasjon
• fleksibel arbeidstid samt sommartid

Velkomen som søkar, vi ser fram til å høyre frå deg.