Assisterande einingsleiar

Sunnfjord bu- og avlastingsteneste yt avlasting til føresette med særs krevjande omsorgsoppgåver. Arbeidsoppgåvene varierer ut i frå den enkelte sitt funksjonsnivå. Vi gjer alt frå medisinske prosedyrar, fysisk trening, utfordringar knytt til åtferd, rettleiing og det som elles følger med i dagleglivet.

Vi som jobbar her er assistentar, helsefagarbeidarar, lærarar, barnehagelærarar, vernepleiarar, sjukepleiarar, barnevernspedagogar og sosionomar. Vi arbeider tett med instansar i kommunen og spesialisthelsetenesta. 

Vi søker no etter:

• assisterande einingsleiar

Stillinga er knytt til miljøet som miljøterapeut/leiing og administrasjon (50/50).

Krav til søkar:

• 3-årig helse-/sosialfagleg høgskuleutdanning
• beherske godt norsk, både skriftleg og munnleg
• god erfaring med ulike offentlege dataprogram
• god kjennskap til, og erfaring med, turnusarbeid
• god kunnskap og lang erfaring med arbeid med barn og unge med ulike funksjonsnedsettingar
• god på samarbeid med føresette, barn/unge og samarbeidspartar

Vi søker deg som er:

• tålmodig då ingen dagar er like
• raus og ivaretakande 
• strukturert og effektiv
• god på kommunikasjon og samhandling
• læringsvillig og utviklingsorientert
• lojal og god på å motivere  dine medarbeidarar

Arbeidsoppgåver er mellom anna:

• leie den daglege drifta i eininga i samarbeid med einingsleiar
• utarbeide turnus, fordele arbeid og oppgåver til dei tilsette
• ansvar for innleige av personale
• medansvar for faglege vurderingar og rettleiing av personale
• samhandling med tenestemottakarar og pårørande
• samarbeid med eksterne og interne aktørar
• delta i økonomistyringa for eininga i samarbeid med einingsleiar

Vi kan tilby ein god arbeidsplass der dei ansatte vil kvarandre vel. Her er spennande arbeidsoppgåver og faglege utfordringar. Du vil få god opplæring og innføring i aktuelle dataverktøy. 

I Sunnfjord kommune har vi god pensjon- og forsikringsordning. 

Du søker elektronisk.

Velkomen som søkar, vi ser fram til å høyre frå deg!