Helgestillingar

Naustdal omsorgssenter er eit av seks omsorgssenter i Sunnfjord kommune. Vi yter tenester innan heildøgns omsorg for personar som har behov for omsorg og medisinsk oppfølging gjennom døgnet.

Hos oss møter du kollegaer med brei kompetanse innan demens, geriatri, akuttsjukepleie, lindrande behandling og personsentrert omsorg.  

Vi er stolte av å vere ein del av ressurssjukepleiarnettverket for kreftomsorg og lindrande behandling i kommunen og vi jobbar kontinuerleg for å utvikle tenestene våre vidare.

Vi har ledig:

• faste helgestillingar i 14 - 21 % 

Stillingane er i 2-delt turnus med arbeid annankvar, eller 3 kvar helg. 

Vi søker deg som:

• har norsk autorisasjon som sjukepleiar eller fagbrev som helsefagarbeidar, vi oppfordrar sjukepleiarstudentar og søkarar med interesse for fagfeltet om å søke, ufaglærte blir tilsett i mellombels stilling
• beherskar norsk godt - både munnleg og skriftleg

Vi søker deg som:

• er i interessert i eller har erfaring frå jobb innan eldreomsorga  
• er engasjert, lærevillig og løysingsorientert
• er fleksibel og likar utfordringar
• er strukturert og ansvarsbevisst
• har stor arbeidskapasitet
• bidreg positivt til eit godt arbeidsmiljø
• har gode ferdigheiter i kommunikasjon og samhandling
• har grunnleggande datakunnskapar - vi nyttar fagprogrammet Cosdoc

Vi tilbyr deg: 

• eit arbeidsmiljø med engasjerte kollegaer og leiarar
• ein arbeidsplass med fokus på kvalitet og pasientnær omsorg
• moglegheit for fagleg utvikling og å bli ein del av eit kompetent og inkluderande miljø
• eigen lønsstige for sjukepleiestudentar 
• kompetansetillegg for relevant vidareutdanning 
• variert arbeidskvardag
• ein arbeidsplass det er lett å trivast på

Personlege eigenskapar vert vektlagt ved tilsetting.

Gyldig politiattest må leggast fram før start i stillinga. 

Tilsetting vert gjort fortløpande. 

Du søker elektronisk. Velkommen som søkar!