Sjukepleiar/helsefagarbeidar

Skei omsorgssenter er ein moderne og fagleg sterk institusjon med tre avdelingar.

• Rehabiliteringsavdeling med 7 rehabiliteringsplassar og 1 palliativ plass
• Langtidsavdeling med 17 langtidsplassar og 1 avlastningsplass
• Skjerma eining med 7 plassar for personar med demens

Vi er ein aktiv del av ressurs-sjukepleiarnettverket for kreftomsorg og lindrande behandling, vi driv Sunnfjord kommune si rehabiliteringsavdeling, og vi har integrerte velferdsteknologiske løysingar som støttar kvardagsmeistring og trygge pasientforløp. Hos oss jobbar vi målretta for å vere ei levande og framtidsretta teneste, der fagutvikling står sentralt.

No søker vi deg som vil vere med å løfte oss vidare. Er det deg?

Vi har årsturnus, og for dei som ynskjer det er det mogleg med langvakter og arbeid kvar 4. helg.

Ledige stillingar:

• 1 x 100 % fast stilling som sjukepleiar
• 1 x 100 % fast stilling som helsefagarbeidar

I tillegg har vi ledige helgestillingar på 14–30 % for helsefagarbeidarar, assistentar og studentar. Her kan du velje mellom 7,5-timers eller 12,5-timers vakter.

Krav til søkar:

• norsk autorisasjon som sjukepleiar eller helsefagarbeidar
• gyldig politiattest
• god munnleg og skriftleg framstillingsevne på norsk

 Vi søker deg som:

• er fleksibel, positiv og likar utfordringar
• er engasjert, trygg og sjølvstendig i vurderingar
• fungerer godt i team og har evne til å delegere
• trivst med å jobbe med menneske og er oppteken av omsorg
• er strukturert, ansvarsbevisst og løysingsorientert
• har motivasjon til å lære, utvikle deg og bidra til fag- og tenesteutvikling

Personlege eigenskapar vil bli sterkt vektlagde.

 Vi kan tilby:

• engasjerte kollegaer og leiarar i eit inkluderande arbeidsmiljø
• eit sterkt fagmiljø tett på pasientane
• varierte og fagleg utfordrande arbeidsoppgåver
• ein arbeidsplass du kan vere stolt av
• gode pensjons- og forsikringsordningar
• ekstra godtgjering for sjukepleiar, vernepleiar og helsefagarbeidar i institusjon
• moglegheit for alternativ turnus med langvakter

Du søker elektronisk.

Velkommen som søkar, vi ser fram til å høyre frå deg!