Ergoterapeut

Eining fysio/ergoterapi har 22 tilsette, fordelt mellom arbeidsstadane Førde, Naustdal, Sande og Skei. Tenesta består av fysioterapeutar, ergoterapeutar, og serviceteknikarar med ansvar for hjelpemiddel.

Sunnfjord kommune har og sju driftsheimlar for privatpraktiserande fysioterapeutar, fordelt på fire ulike institutt i Førde.

Vi har eit godt fagmiljø, med mange dyktige og engasjerte fagpersonar. Det vert lagt opp til felles fagmøter med dei andre ergoterapeutane i tenesta.

Vi har ledig: 

• 100 % fast stilling for ergoterapeut

Den legide stillinga er for tida tilknytt to av lokasjonane våre: Naustdal og Sande.

Arbeidsoppgåver: 

• kartlegging og vurdering av funksjon, samt tilrettelegging for aktivitet og meistring.
• kartlegge bustad og gje rettleiing om tilrettelegging for å fremme meistring og sjølvstende i eigen heim
• formidle, tilpasse og gje opplæring i bruk av hjelpemiddel, inkludert arbeid med kognisjonshjelpemiddel til barn og unge.
• delta i tverrfagleg bustadteam
• delta i planlegging og gjennomføring av førebyggande heimebesøk
• samarbeid med demensteam
• bidra til rehabilitering og kvardagsmeistring gjennom trening og tilrettelegging av aktivitet
• kartlegge og følge opp velferdsteknologiske løysingar
• tverrfagleg samarbeid med øvrige helse- og omsorgstenester

Krav til søkar:

• norsk autorisasjon som ergoterapeut
• gode norskkunnskapar, tilsvarande nivå B2 eller betre
• førarkort klasse B
• gyldig politiattest som ikkje er eldre enn tre månadar

Vi søker deg som:

• er strukturert og sjølvstendig, og kunne planlegge eigen arbeidskvardag på ein god måte
• kan samarbeide godt med andre, både internt i tenesta og med samarbeidspartar utanfor tenesta
• har god arbeidskapasitet, og ha evne til å handtere ein arbeidskvardag med mange og varierte oppgåver
• har kjennskap til hjelpemiddelformidling
• har god kjennskap til digitale arbeidsverktøy, som Microsoft 365 og Teams

Kommunal arbeidserfaring vi vere ein fordel, men nyutdanna ergoterapeutar vert også oppmoda om å søke.

Søkar må oppgje referansar og framvise attestar ved innkalling til intervju.

Velkomen som søkar!

Du må søke elektronisk.