Miljøterapeut

Psykisk helse og rus i Sunnfjord kommune er ei eining som er delt i fire soner. I Naustdal, på Vassenden, i Førde og på Sande.

Vi er ei eining som gjev tilbod om samtaleoppfølging og praktisk bistand til personar med psykisk helse- og rusutfordringa heimehøyrande i kommunen. Vi jobbar brukarnært og mange av brukarane våre treng til tider tett og kontinuerlig oppfølging, med trygge og føreseielege rammer. Vi har eit tett samarbeid med jobbspesialistar.   

I eininga er vi omlag 22 årsverk fordelt på dei ulike sonene. Vi har også ei utekontaktstilling i eininga som jobbar førebyggjande opp mot ungdom. I tillegg har vi tilsett erfaringskonsulent i prosjektstilling. Dei tilsette innehar stor grad av fagleg kompetanse og er oppteken av å yte gode tenester. Vi jobbar i team, men mykje av arbeidet er også ein til ein oppfølging. Dette utløyser ein stor grad av sjølvstende i det daglege arbeidet og fordrar at ein er trygg på eigne avgjerdsle.

Vi ynskjer å finne ein dyktig fagperson som kan bidra positivt inn i eininga vår. Vi håpar det er deg. 

Vi har ledig:

• 100 % vikariat på Sande frå januar 2024

Stillinga er arbeid på dagtid.

•  80-100 % vikariat i Førde frå januar 2024

Stillinga er turnusarbeid – langvakter, dag og kveld med moglegheit for arbeid på helg. 

Kvalifikasjonar:

• tre-årig høgskule med helse- og sosialfagleg bakgrunn. Anna relevant kompetanse og erfaring vil også verte vurdert
• gode munnlege og skriftlege kommunikasjonsferdigheiter
• førarkort klasse B

Personlege eigenskapar vert vektlagt i stor grad og vi ser etter deg som har:

• gode samarbeidsevner
• positiv, nysgjerrig og reflekterande
• strukturert
• sjølvstendig og trygg
• fleksibel og løysningsorientert         
• bidreg positivt i arbeidsmiljøet 

Arbeidsoppgåver :

• oppfølging av tenestemottakarar
• dokumentere i relevant fagsystem
• arbeide tett og tverrfagleg med samarbeidspartar
•  bidra i felleskap til planlegging og systematisering av arbeidsdagen

Vi tilbyr:

• tverrfagleg arbeid
• engasjerte kollegaer og leiarar
• godt arbeidsmiljø
• faglege utfordringar
• løn i samsvar med gjeldande overeinskomst
• gode pensjons- og forsikringsordningar
• kompetansetillegg for relevant vidareutdanning

Vi oppmodar menn om å søke, då vi ønsker å ha ei jamnare fordeling av kvinner og menn i eininga vår.

Du søker elektronisk.

Velkommen som søkar!